Хөвсгөл аймгийн Мөрөн сумын Нисэх нэгдүгээр баг Шинэ-Мөрөн хорооллын долоодугаар байранд "Тагтаар утаа гарч байна" гэсэн дуудлага мэдээллийг онцгой байдлын газарт ирүүлжээ. Гал түймэр унтраах, аврах 27 дугаар ангийн алба хаагчид тагт болон том өрөөнд эд хогшил шатаж байсныг бүрэн унтрааж ажилласан байна.

Уг галд өртөж бэртэж гэмтсэн хүн байхгүй. 36 иргэнийг утаажилтын бүсээс гаргажээ.

Иймд иргэн та бүхэн галын аюулгүй байдлаа хангаж, галын түймрийн аюулаас урьдчилан сэргийлнэ үү.