Эрүүл мэндийн сайд Э.Батшугар, ДЭМБ-ын суурин төлөөлөгч Др Сокорро Эскаланте нар Эмийн чанарын хяналтын Үндэсний лавлагаа лабораторийн төслийн үйл явцтай танилцлаа.
Монгол Улс Эмийн чанарын хяналтын Үндэсний лавлагаа лабораторитой болсноор:
- Жилд шинжлэх дээжийн тоо 2 дахин нэмэгдэнэ.
- Шинжилгээний нэр төрөл өргөжнө.
- Чанар, аюулгүй байдлын үнэлгээ илүү хурдан, үр дүнтэй болно.
- Шинжилгээний хүлээгдэл эрс буурна.
- Илрүүлэлтийн хязгаар, хэмжилтийн нарийвчлал сайжирна.
Монгол Улсын эмийн зохицуулалтын байгууллага Дэлхийн Эрүүл Мэндийн Байгууллагын олон улсын жишиг тогтоох үнэлгээний GBT ML-3 түвшинд хүрэх суурь тавигдаж дотоодын үйлдвэрийн эм, эмийн түүхий эд, эмнэлгийн хэрэгслийг олон улсын зах зээлд экспортлох боломж нэмэгдэнэ.
