Гол усанд эндэхээс урьдчилан сэргийлэх, хүүхэд багачуудын бие бялдрыг чийрэгжүүлэх зорилгоор Чингэлтэй дүүрэг өнгөрсөн жил 1,400 хүүхдийг усанд сэлж сургах хөтөлбөрт үнэ төлбөргүй хамруулжээ.

Хөтөлбөр энэ жил хоёр дахь жилдээ үргэлжилж, 170 сурагч хоёр ээлжинд хуваагдан дүүргийн усан спортын зааланд хичээллэж байна. Дүүргийн хэмжээнд нийт 26 төрийн өмчит сургууль байдгаас одоогийн байдлаар 10 гаруй сургуулийн сурагчид хөтөлбөрт хамрагджээ.