УИХ-ын гишүүн Х.Булгантуяаг "Төрийн эрхийг хууль бусаар авах" зүйл ангиар яллагдагчаар татсан талаар бид өмнө мэдээлж байсан. Тэгвэл Нийслэлийн прокурорын газраас түүнийг төрийн эрх барих дээд байгууллагын эрх мэдлийг хууль бусаар авах зорилгоор үгсэн тохирч хүчирхийллийн аргаар авахад бэлтгэсэн, зохион байгуулсан, оролцсон гэмт хэрэг үйлдэхээр завдсан гэмт хэрэгт холбогдуулан эрүүгийн хэрэг үүсгэж яллагдагчаар татан хязгаарлалт тогтоох таслан сэргийлэх арга хэмжээ авах тухай саналыг шүүхэд хүргүүлжээ.

Тухайн саналыг шүүх хэлэлцээд, саналыг хүлээн авахаас татгалзаж шийдвэрлэсэн аж. Үүнтэй холбоотойгоор шүүхийн эл шийдвэрийг прокурор эс зөвшөөрч, Ерөнхий шүүгчид гомдол гаргасныг шүүх өнөөдөр дахин хэлэлцээд Х.Булгантуяад Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авч шийдвэрлэсэн байна.