2011 онд СУИС-ийн харъяа Соёл иргэншлийн сургуулийн 2-р дамжаанд суралцаж байх үедээ ангийнхаа 7 эрэгтэйд хүчирхийлүүлсэн гэх эмэгтэйн хэрэгт хуульч Р.Булгамаа хуульзүйн туслалцаа үзүүлж, өмгөөлөгчөөр ажиллахаар боллоо. Тодруулбал, тэрбээр хэргийг шалгуулахаар 2020 онд хуулийн байгууллагад хандсан боловч хэд хэдэн удаа хэрэгсэхгүй болсон аж. Харин өнгөрөгч онд прокурорын байгууллагаас тухайн хэрэгсэхгүй болгосон тогтоолыг хүчингүй болгосноор цагдаагийн байгууллагаас хэргийг дахин шалгаж буй юм. Хохирогч гэх эмэгтэйн хувьд өмгөөлөгчөөсөө татгалзаад байсан бөгөөд ийнхүү түүний хэрэгт хуульч Р.Булгамаа өмгөөлөгчөөр ажиллахаа мэдэгдлээ.