16 настай охиныг хөнөөсөн Ц.Дагвадорж нарт холбогдох хэргийн гэм буруугийн шүүх хурал өнөөдөр Баянгол, Хан-Уул, Сонгинохайрхан дүүргийн эрүүгийн хэргийн анхан шатны тойргийн шүүхэд 10.00 цагт эхэлсэн. Гэвч шүүх хуралдаан эхэлснээс 30 гаруй минутын дараагаар хэргийг хаалттайгаар хэлэлцэхээр болсон юм. Ингэснээр хэргийг 7 цаг гаруй хугацаанд хаалттайгаар хэлэлцэж байна. Шүүхийн шийдвэрийг хүлээж буй иргэд шүүхийн гадна цугларсан нөхцөл байдалтай байгаа юм.
Өнөөдрийн шүүх хуралд 16, 32 настай эмэгтэйг хөнөөсөн байж болзошгүй хэрэгт яллагдагчаар татагдаад буй Ц.Дагвадорж, хэрэгт хамжигч болон хохирогчоор тогтоогдоод байсан Э.Номин-Эрдэнэ, Э.Ган-Эрдэнэ нар оролцож байна. Түүнчлэн насанд хүрээгүй охидыг "зуучилсан" гэх асуудалд холбогдсон Х.Энхсайхан оролцож байгаа юм.
