Чуулганы өнөөдрийн хуралдаанаар Нийтээр тэмдэглэх баярын болон тэмдэглэлт өдрүүдийн тухай хуульд нэмэлт, өөрчлөлт оруулах хуулийн төслийг хэлэлцлээ.
Тодруулбал, бүх нийтээрээ амардаг баярын өдрүүд бямба, ням гарагт таарвал ажлын өдөр нөхөж амрах тухай хуулийн зохицуулалт юм.
УИХ-ын гишүүн Б.Уянгын санаачилсан уг хуульд Засгийн газраас зарчмын зөрүүтэй санал оруулж, зөвхөн Цагаан сар, Үндэсний их баяр наадмын өдрүүд амралтын өдрүүдэд таарвал ажлын өдөрт шилжүүлж байх зохицуулалт санаачилж, уг хуулийн төсөл дэмжигдлээ. Тодруулбал, бүх нийтийн бүх баяр биш зөвхөн Үндэсний их баяр наадам, Цагаан сар амралтын өдөр таарвал дараа долоо хоногт нь нөхөж амрах хуулийн төсөл дэмжигдэж, эцсийн хэлэлцүүлэгт бэлтгэхээр байнгын хороонд буцаалаа.
