Ардчилсан хувьсгалын 35 жил, Ардчиллын төлөөх намууд нэгдсэний 25 жилийн ойд зориулсан улс, аймгийн алдар цолтой 128 бөхийн барилдаан болж өндөрлөлөө.

Энэ барилдаанд Өвөрхангай аймгийн Төгрөг сумын харьяат, Улсын арслан Ц.Бямба-Отгон долоо даван түрүүлж, Хэнтий аймгийн Өмнөдэлгэр сумын харьяат, аймгийн хурц арслан Д.Алтанцоож зургаа давж үзүүрлэлээ.

Түрүү бөх Улсын арслан Ц.Бямба-Отгон 10 сая төгрөг, үзүүр бөх аймгийн хурц арслан Д.Алтанцоож 6 сая төгрөгийн шагнал хүртлээ.