УИХ-ын чуулганы Пүрэв гарагийн хуралдаан эхэллээ. Хуралдаанаар Тамхины хяналтын тухай хуулийн төслийг хэлэлцэх эсэхийг хэлэлцэж байна. Энэ үеэр УИХ-ын гишүүн Т.Мөнхсайхан "Ж.Чинбүрэн сайдын зөвлөх ОУ-ын хуралд очоод тамхины асуудлыг дэмжих байр суурийг илэрхийлсэн. Тэнд хэний байр суурийг илэрхийлчихэв" гэж асуув. Түүний асуултад ЭМЯ-ны зүгээс "Ж.Чинбүрэн гишүүний зөвлөх н.Энхбаяр оролцсон. Энэ хүний байр суурь ЗГ-ын байр суурь биш" гэх хариултыг өгсөн юм. Эл үйл явцтай холбогдуулан УИХ-ын дарга Н.Учрал "Орон тооны бус зөвлөх ОУ-ын уулзалтад яам төлөөлдөг болчихсон юм уу. Юу яриад байгаа юм" гэв.