МАН-ын 31 дэх Их хурал өнөө өглөө 09.00 цагт Буянт-Ухаа спорт цогцолборт эхэлсэн. Хурлын эхэнд намын удирдлагууд мэндчилгээ дэвшүүлж, илтгэл танилцуулсан юм. Харин үргэлжлүүлэн нэр дэвшигчдийг тодруулсан бөгөөд Эдийн засаг, хөгжлийн сайд Н.Учрал, МҮХАҮТ-ын Ерөнхийлөгч Б.Лхагважав нарын дунд өрсөлдөөн өрнөсөн.
Тэд тус тусын мөрийн хөтөлбөрөө танилцуулж, гишүүдийн асуултад хариулсны дараа нууц санал хураалт явуулсан юм. Нийтдээ 2250 гаруй гишүүд, төлөөлөгчдөөс 2086 хүн санал хураалтад оролцсоноос 94.95 хувийн саналаар Эдийн засаг, хөгжлийн сайд Н.Учралыг Монгол ардын намын даргаар сонголоо.
