"The MongolZ" баг 850.000 ам.долларын шагналын сантай “Thunderpick world championship 2025” тэмцээний шөвгийн дөрөвт Украины "Natus Vincere"-ийн эсрэг өнөө шөнө 01.30 цагт тоглоно.
Энэ удаагийн тэмцээнд The MongolZ баг тэмцээний “А” хэсгийг тэргүүлсэн бөгөөд хэсэгтээ Бразилын FURIA, Данийн OG, Аргентины 9z багуудтай таарсан. Аваргын цомоо хамгаалж байгаа манай багийн хувьд энэ тэмцээнд бэлтгэл болон судалгаа, тамирчдын сэтгэл зүй гээд бүх талаараа бэлтгэлтэй оролцож байгаа юм.
