УИХ-ын дарга Д.Амарбаясгалан УИХ-ын гишүүдийг энэ сарын 13-17-ны хооронд албан болон хувийн ажлаар гадаад руу томилолтоор явахыг хязгаарласан захирамж гаргасан. Уг захирамжийг цахим орчинд гишүүдийг эрхэд халдсан хэмээн шүүмжилж байгаа юм. Тэгвэл зайлшгүй шаардлагатай тохиолдолд гишүүдийн гадаад, дотоод томилолтыг хязгаарлаж, ирц бүрдүүлэх нь УИХ-ын даргад байдаг талаар УИХ-ын ЕБНД Б.Баасандорж тайлбарлалаа.

Тэрбээр "Гишүүдийн гадаад томилолтыг хязгаарлах нь УИХ-ын даргын бүрэн эрх. 2019 онд ҮХ-ийн нэмэлт өөрчлөлтийг хэлэлцэж байх үед тухайн үеийн УИХ-ын дарга захирамж гаргаад, нэг ч гишүүдийг гадаад явахгүй гэж хязгаарлаж байсан. Зайлшгүй шаардлагатай нөхцөлд УИХ-ын гишүүдийн ирцийг хязгаарлах эрхтэй" хэмээлээ.