Өнгөрсөн бямба гарагт МАН-ын Удирдах зөвлөл хуралдаж, Бага хурлаа энэ сарын 27-ны бямба гарагт товлосон. Энэ дагуу өнөөдөр /09.27/ 10.00 цагт тус намын Бага хурал хуралдахаар байна.
Эх сурвалжийн мэдээлж буйгаар, Бага хурлын эхэнд гишүүдийн саналаар хэлэлцэх асуудлуудын дарааллыг тогтоох юм. Урьдчилсан байдлаар эхний ээлжинд Бага хурлын гишүүдийг томилж, чөлөөлөх асуудлыг хэлэлцэх аж. Өөрөөр хэлбэл, шинээр УИХ-д сонгогдсон гишүүдийг Бага хурлын гишүүнээр томилох бол дипломат албанд томилогдсон хүмүүсийг Бага хурлын гишүүнээс чөлөөлнө.
Үүний дараа намын Их хурлаа товлож, мөн шинэ даргаа тодруулахаар төлөвлөжээ. Одоогийн байдлаар УИХ-ын дарга Д.Амарбаясгалан, Ерөнхий сайд Г.Занданшатар нар намын даргад өрсөлдөхөө мэдэгдээд байгаа юм.
