Өнөөдөр Өндөр Гэгээн Занабазар Анхдугаар Богд Жавзандамба хутагтын билгийн тооллоорхи мэндэлсэн өдөр тохиож байна. Энэ өдрийг тохиолдуулан Монголын бурханы шашны тэргүүн, Өндөр гэгээний 10 дугаар дүрийн хувилгаан Жавзандамба хутагт түүний төрсөн ариун дагшин нутаг болох хуучнаар Түшээт хан аймгийн Түшээт ханы хошуу одоогийн Өвөрхангай аймгийн Есөнзүйл сум, мөн Анхдугаар Богд хэмээн өргөмжлөн ширээнд залсан түүхэн Ширээт цагаан нуурт зочилж, хүндэтгэл үзүүлжээ.