Өнөөдөр Хөвсгөл аймгийн Мөрөн олон улсын нисэх буудалд “Чонжү-Мөрөн” чиглэлийн олон улсын анхны нислэг бууж, нисэх багийн гишүүд болон Бүгд Найрамдах Солонгос Улсын зорчигчдыг улсын хилээр шалган нэвтрүүлэх ажиллагааг зохион байгууллаа.

Энэхүү нислэгийг үйлдсэнээр гадаад, дотоодын жуулчид Улаанбаатар хотоор дамжилгүйгээр шууд Хөвсгөл нуурын эрэг, байгалийн дурсгалт газруудаар аялах боломж бүрдэж байна. Мөн агаарын тээврийн шинэ гарц нээгдэж, бүс нутгийн аялал жуулчлалын хөгжилд чухал хувь нэмэр оруулах юм.