Энэ жил Үндэсний их баяр наадамд барилдаж, амжилт гаргасан бөхчүүдээс допингийн шинжилгээ авсан. Үндэсний их баяр наадмын Допингийн шинжилгээний хариу өнгөрсөн жилээс эхлэн 48-72 цагийн дараа ирдэг болсон. Энэ жилийн хариу ирэх хугацаа болсон ч ирэхгүй удаж байна гэх мэдээлэл цацагдаж, шүүмжлэл дагуулж эхэлсэн. Үүнтэй холбоотойгоор Шадар сайдын хэвлэлийн албанаас "Үндэсний их баяр наадмын бөхийн барилдааны ДОПИНГИЙН шинжилгээний бүх ХАРИУ ИРЭЭГҮЙ байна. Бүгд ирэхээр нэгдсэн журмаар мэдээлэл хийнэ" гэж мэдэгдлээ.
