УИХ-ын чуулганы хуралдаанаар 2025 оны төсвийн тодотголын гурав дахь хэлэлцүүлгийг хийлээ. Энэ үеэр УИХ-ын гишүүн О.Номинчимэг хувийн сургууль, цэцэрлэгт хөрөнгө оруулахыг шүүмжилж "Хувийн хэвшлийг орж ирж буй хуультай холиод, гүтгэж дайрч болохгүй. Хувийн хэвшлээ дэмжинэ. Харин төр хувийн хэвшил рүү орохоо багасгаад, зай гаргаж өгөх ёстой. Төсвийн мөнгөөр ХУВИЙН БАЙШИН барьж өгч болохгүй" гэлээ.