АТГ-аас төрийн болон нийтийн албан тушаалтнуудын 2024 оны хөрөнгө орлогын мэдүүлгийг танилцуулж эхэллээ. Тэгвэл бид хамгийн эхэнд Ерөнхий сайд асан, УИХ-ын гишүүн Л.Оюун-Эрдэнийн хөрөнгө орлогын мэдүүлгийг онцолж байна. Учир нь түүний хүү найз бүсгүйдээ өндөр үнэ бүхий цүнх, үнэт эдлэл бэлэглэж, сүй тавих ёслолоо өндөр үнээр хийсэн нь Л.Оюун-Эрдэнийн орлогоос хэт давсан зардал болохыг олон нийт шүүмжилсэн билээ. Улмаар залуучууд "Огцрох амархан" жагсаалыг зохион байгуулж, түүнийг Ерөнхий сайдаас огцрохыг шаардсан байдаг.

Тэрбээр 2024 оны ХОМ-тээ:

Өөрийн орлого - 230.1 сая төгрөг /2023 онд 243.9 сая төгрөг/

Гэр бүлийн орлого - 18.6 сая төгрөг /2023 онд 15.7 сая төгрөг/

Үл хөдлөх хөрөнгө - 364.1 сая төгрөг /нийтийн орон сууц-1/ ӨӨРЧЛӨГДӨӨГҮЙ

Автомашин - 30 сая төгрөг /Toyota Highlander/ ӨӨРЧЛӨГДӨӨГҮЙ

Мал, амьтан - 170.8 сая төгрөг /Хурдан удмын адуу-3, Адуу-19, Үхэр-73, Хонь-88, Ямаа-102/- 2023 онд 169.3 сая төгрөг

Үнэт эдлэл - 67.5 сая төгрөг -ӨӨРЧЛӨГДӨӨГҮЙ

Дотоодын хадгаламж - 113.2 сая төгрөг /2023 онд 133 сая төгрөг/

Хуулийн этгээд - /"Херо энтертайнмент групп" ХХК, "Хүлэг контент" ХХК/ гэж мэдүүлжээ.