Байгаль орчин, хүнс, хөдөө аж ахуйн байнгын хороо, Аж үйлдвэржилтийн бодлогын байнгын хорооны хамтарсан хуралдаанаар “Тавантолгой түлш” ХХК-ийн үйлдвэрлэл, технологийн үйл ажиллагааны талаар шалган судлах, холбогдох санал, дүгнэлт гаргах, шийдвэрийн төсөл боловсруулах үүрэг бүхий хянан шалгах ажлын хэсгийн санал, дүгнэлтийг хэлэлцсэн.
Энэ үеэр Нийслэлийн Засаг даргын Агаар, орчны бохирдлын асуудал хариуцсан орлогч А.Амартүвшин "Сайжруулсан шахмал түлшинд уушгиар ороод, шүүгдэхгүйгээр шууд цус руу ордог нарийн ширхэгт тоосонцор байдаг. Энэ нь өвлийн ХАНИАД, ТОМУУ, ЖИРЭМСЭН ЭМЭГТЭЙЧҮҮДИЙН УРАГТАЙ шууд хамааралтай" гэх ноцтой мэдээллийг өгсөн юм.
Тэрбээр гишүүдийн асуултад хариулт өгөв.
