Улаанбурхан өвчний батлагдсан тохиолдлын тоо 4274-д хүрч, 551 хүн эмнэлэгт хэвтэн эмчлүүлж байна. Сургуулиудад голомтлон гарч байгаа учраас сургуулиудыг амраах ёстой гэх байр суурийг эцэг эхчүүд илэрхийлсээр байгаа юм. Энэ талаар ХӨСҮТ-ийн захирал Э.Анхбаяр, "Улаанбурхан гарлаа гээд бүх нийтээр нь карентилж, сургуулиар нь амраах буруу гэдгийг бид ковидын жишээнээс харсан. Цахим хичээл ямар үр дүнгүй байгаад хүүхдүүдэд ямар хоцрогдол үүссэнийг та бүхэн мэднэ. Бид голомтын хариу арга хэмжээгээ аваад хяналтандаа аваад явж байгаа" гэв.