Ерөнхий сайд Л.Оюун-Эрдэнийг огцрохыг шаардаж буй "Огцрох амархан" жагсаалын төлөөлөлтэй УИХ-ын дарга Д.Амарбаясгалан тэргүүтэй төлөөллүүд уулзлаа. Уулзалтын талаар УИХ-ын гишүүн Ж.Бат-Эрдэнэ мэдээлэл өгсөн юм. Энэ үеэр тэрбээр "Залуучуудын зүгээс парламентын засаглалыг дэмжиж байгаа шүү гэдгээ илэрхийлсэн. Мөн залуучууд маань аюулгүй байдлыг хангах асуудлыг хөндсөн учраас ирэх долоо хоногоос Хуульзүйн байнгын хорооноос очиж ажиллана" гэлээ.