Солонгос руу монголчууд ажиллаж амьдрахаар нүүдэллэдэг бол солонгосууд Монгол руу аялах гэж ирэх нь нийтлэг. Харин ажиллаж амьдрахаар ирэх нь цөөн ч хөдөлмөрийн гэрээгээр ажиллах Солонгос иргэдийн тоо сүүлийн жилүүдэд нэмэгджээ.

Он гарсаар 1-3 сарын хугацаанд манай улсад хөдөлмөрийн гэрээгээр БНСУ-ын 288 иргэн ажиллаж байна. Энэ тоо өнгөрсөн жил 260 байсан юм. Цар тахлын дараа буюу 2022 онд манай улсад БНСУ-ын 251 иргэн ажиллаж байсан бол дараа жил нь буюу 2023 онд 272 хүн болж нэмэгдэж байв. Монголд хөдөлмөрийн гэрээгээр ажиллаж буй БНСУ-ын иргэд нь гадаад ажилчдын 2.8 хувийг бүрдүүлж байгаа бол БНХАУ-ын иргэд 60.2 хувийг бүрдүүлж байна.