Аюулгүй байдал, гадаад бодлогын байнгын хорооны хуралдаанаар Монгол Улс болон Евразийн эдийн засгийн холбоо, түүний гишүүн орнууд хооронд байгуулах худалдааны түр хэлэлцээрийн төслийг хэлэлцлээ. Энэ үеэр УИХ-ын гишүүн Ч.Анар "360 төрлийн бүтээгдэхүүний татварыг тэглэх хэлэлцээрийг ярьж байгаа мөртлөө гурилын татварыг тэглэсэн асуудлаа сэргээнэ гэж байгаа нь логикийн зөрчилтэй харагдаж байна" гэв.

Түүний асуултад Эдийн засаг, хөгжлийн сайд Л.Гантөмөр "Логикийн алдаа байхгүй. Гурил дээр таван хувийн татварын үнэ цэнийг бид одоо ойлгож байгаа" гэв.