"Central" телевизийн "Тэнгисийн эрэг дээрх 24/7" шоуны хоёрдугаар улирал гуравдугаар сарын 15-нд цацагдсан. Шоу цацагдсан цагаас эхлээд олны анхаарлыг Michi /Э.Мичид/ татаж, “Шүдний дагина” гэх нэр зүүгээд буй. Түүний хувьд шоунд оролцохоос өмнө инстаграм дагагч нь 18 мянга байсан бол өнөөдрийн байдлаар 99.2 мянгад хүрчээ. Өөрөөр хэлбэл, шоунд орсны дараа 81.2 мянган дагагч нэмэгдсэн гэсэн үг. Хэдийгээр Э.Мичид шоуны дөрөвдүгээр дугаарт Цээгий, Diana нарын хамт хасагдсан ч реклам, зар сурталчилгааг "базах" болжээ. Тэрбээр одоогоор үс арчилгааны wellbeeshop-той хамтран ажиллаж байна.