Нийслэлийн авто замыг өргөтгөн хөгжүүлэх төслийн нэг болох “Туулын хурдны зам”-ын хүрээнд нийт 8 байршилд, хоёр түвшний огтлолцол бүхий уулзвар, 13 байршилд гүүр, 7 байршилд туннель барихаар тус тус төлөвлөжээ.
“Туулын хурдны зам” хурдны зам нь Баянзүрхийн товчоо, Улаанбаатар-Налайх чиглэлийн авто замаас баруун аймгууд руу салдаг аюулгүйн тойрог хүртэл нийт 6 эгнээ 32 км үргэлжлэх юм байна. Тухайлбал, Баянзүрх товчооны уулзвар буюу хотоос орох, гарах хөдөлгөөн болон хотын хойд чиглэлтэй холбогдох хоёрдугаар тойрог замыг зохицуулсан үндсэн гарц болох аж.
Төслийн барилга угсралтын ажлыг 2025-2027 онд хэрэгжүүлэхээр төлөвлөжээ.
