УИХ-ын Эдийн засаг байнгын хороо, ТББХ-ны хамтарсан хуралдаанаар Монгол Улсыг 2021-2025 онд хөгжүүлэх таван жилийн үндсэн чиглэл, Монгол Улсын Засгийн газрын 2024-2028 оны үйл ажиллагааны хөтөлбөрийн 2024 оны гүйцэтгэлийн тайлан болон Монгол Улсын хөгжлийн 2024 оны төлөвлөгөөний гүйцэтгэлийн тайланг үргэлжлүүлэн хэлэлцэж байна.

Энэ үеэр УИХ-ын гишүүн Г.Лувсанжамц "Эрчим хүчний салбарыг ЭЗ-ийн үр ашигтай болгох зорилтын биелэлт 100 хувь гэсэн байна. Үнэхээр 100 хувь биелэсэн юм уу" гэж асуухад ЭХЯ-ны Төрийн нарийн бичгийн дарга Н.Тавинбэх "Эрчим хүчний салбарын ЭЗ-ийг үр ашигтай болгох хөтөлбөрийн хүрээнд үнэ тарифыг индексжүүлэх арга хэмжээг авсан. Тийм учраас биелэлт 100 хувь гэж үзсэн" гэх хариултыг өглөө.