УИХ-ын Хууль зүйн байнгын хороо хуралдаж, "Ноорог" медиагийн ажилчдад үүссэн асуудлын талаар ХЗДХ-ийн сайд О.Алтангэрэлийн мэдээллийг сонслоо.
Энэ үеэр УИХ-ын гишүүн Н.Алтанхуяг "Хүнийг залхаан цээрлүүлэх аргыг хэрэглэсэн байна. Залуусыг энд тэндээс бөөгнүүлээд 22.00-07.00 цагийн хооронд байлгана гэдэг бол ЭРҮҮДЭЖ байгаа хэрэг" гэлээ.
Сануулахад "Ноорог" медиагийн залуусыг энэ сарын 17-18-нд шилжих шөнө цагдаагийн байгууллагад аваачиж, шөнийн 22.00 цагаас хойш өглөө болтол мэдүүлэг авсан байдаг.
