Эмч П.Батчулуунд холбогдох хэргийн талаар донор болсон талийгаач А-ийн ар гэрээс мэдээлэл хийв. Талийгаачийн ээж "Би П.Батчулуун эмчийг ч өрөвддөг. "Ямар учралаар насны эцэст ийм асуудалд зууралдчихав даа" гээд наанаа хэлэхгүй ч дотроо бодож маш их өрөвддөг. П.Батчулуун эмчээс нэг ч төгрөг нэхээгүй. Хүмүүс залгаад "ХЭДЭН ТӨГРӨГ АВСАН ЮМ БЭ, ХҮҮХДИЙНХЭЭ ЭРХТЭНГ ЗАРСАН ЮМ УУ" гээд ярьж байна.

Хэрвээ дахиж шүүх хурал болвол бид оролцохгүй. Хүүхдийнхээ ясыг өндөлзүүлмээргүй байна. Тэглээ ч яс гээд байх юм байхгүй. Ядаж арьсыг нь өндөлзүүлмээргүй байна" гэлээ.