Хаврын улиралтай залгаад онцгой байдлын газарт шар өвсний болон ой хээрийн гал түймрий дуудлага бүртгэгдсээр байна. Сүхбаатар аймгийн Эрдэнэцагаан сумын Жаргалант багийн "Кабинт" гэдэг газар өчигдөр хээрийн түймэр гарч 2200 га талбай шатжээ. Гал түймрийн дуудлага өчигдөр 11:20 цагт бүртгэгдэж, Онцгой байдлын Гал түймэр унтраах, 47 дугаар ангийн алба хаагчид, мэргэжлийн ангийнхан, орон нутгийн иргэд гал түймрийг орой 19:30 цагт унтраасан байна.
Он гарсаар гуравдугаар сард, Архангай аймгийн Хайрхан, Дорнод аймгийн Халхгол, Хэрлэн, Баян-Уул, Булган, Цагаан-Овоо,Дашбалбар, Чойбалсан, Сүхбаатар аймгийн Сүхбаатар, Асгат, Эрдэнэцагаан, Хэнтий аймгийн Баян-Овоо, Батширээт, Дадал, Дундговь аймгийн Өндөршил сум, нийт 5 аймгийн 15 суманд 18 удаагийн ой, хээрийн гал түймэр бүртгэгдсэн байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!