ХӨСҮТ-ийн дэд захирал О.Батбаяр хүүхдийн хавдрын өвчлөл түүнд нөлөөлж буй шалтгааны талаар ийнхүү тайлбарлалаа. Тэрбээр "Бургер, чикен, кока кола зэрэг нь хорт хавдар үүсгэгч гол шалтгаан болж байгаа нь олон улсын судалгаагаар тогтоогдсон. Олон дахин боловсруулсан хоолыг хэлж байгаа юм. Тэгэхээр химийн орц найрлагуудыг маш их нэмсэн гэсэн үг. Тэгэхээр зөвхөн монголд төдийгүй олон улсад хүүхдүүдийн дунд ходоод, улаан хоолойн хавдар нэмэгдээд байгаа шалтгаан нь саяын хэлсэн ultra processed хоолтой холбоотой байгаа юм. Үүний эсрэг ямар арга хэмжээ авч байна вэ гэхээр зар сурталчилгааг бүрэн зогсоосон. Гэтэл манайд зар сурталчилгаа чөлөөтэй яваад байна шүү дээ" гэлээ.