Хувиараа буюу сайн дурын нийгмийн даатгалын шимтгэл төлж буй иргэдийг албан журмаар даатгуулагчидтай адил арилжааны банкаас зээл авах шалгуур нөхцөл болгоно. Нийгмийн даатгалын ерөнхий газраас энэ талаарх хүсэлтийг арилжааны банкуудад уламжилсан байна. Өөрөөр хэлбэл, өнөөдрийг хүртэл сайн дурын даатгал төлөгчдийг банкнаас зээлийн шалгуурт "тэнцүүлэх"-ийг нийгмийн даатгалын байгууллагаас хүсэв. Сайн дурын даатгалд хамрагдагчдын зүгээс албан журмын даатгуулагчидтай адил арилжааны банкаас зээл авахад санхүү, орлого нотлох боломжгүй тухай гомдол, шүүмжлэл тасардаггүй.
Нийгмийн даатгалын байгууллагын мэдээллийг харвал, иргэдийн маш бага хувь нь сайн дурын даатгалд хамрагдаж байна. Тоон мэдээллээр, 1161.3 мянган албан журмаар, 171.3 мянган сайн дурын даатгуулж даатгалд хамрагдаж байна.
