Дундговь аймагт улаанбурхан өвчний тохиолдол батлагдсан тул аймгийн Засаг даргын захирамжаар сургууль, цэцэрлэгийн үйл ажиллагааг цахим хэлбэрт шилжүүлсэн.

Харин уг захирамжийг Боловсролын яамнаас "Хууль зөрчсөн" гэж үзээд байгаа тул аймгийн Засаг дарга С.Мөнхчулуун тайлбар хийж "Өчигдөр хоёр тохиолдол батлагдсан. Өнөөдөр зургаан тохиолдол батлагдаж, найман сэжигтэй тохиолдол илэрсэн тул ХӨСҮТ-д сорьцыг нь хүргүүлээд байна" гэсэн юм.