XVII жарны “Элдэв эрдэнэт” хэмээх Модон могой жилийн сар шинийн баярыг тохиолдуулан Ерөнхий сайд Л.Оюун-Эрдэнэ мэндчилгээ дэвшүүллээ. Тэрбээр "Гацсан төсөл бүхний ард улстөрийн болон геополитикийн олон шалтгаан байдаг билээ. Энэ бүхнийг даван туулж, луу жилд багтаан шийдвэрлэхэд дэмжсэн өргөн түмэндээ талархлаа. Модон могой жилд монголчуудын олон жил хүссэн Үндэсний баялгийн сан, иргэдийн хадгаламж элдэв эрдэнээр арвижсан, төрийн үйл хэрэг , түмэн олны санаа нэг талдаа гарсан жил байх болно гэдэгт итгэл төгс байна" гэлээ.