XVII жарны "Элдэв эрдэнэт" хэмээх модон могой жилийн сар шинийн баярт зориулсан "Битүүний өдрийн барилдаан" гурван өдөр үргэлжилнэ.

Эхний өдөр буюу хоёрдугаар сарын 26-ны лхагва гарагт 11:00 цагаас Битүүний өдрийн барилдаанд оролцох эрх авах аймаг цэрэг, сумын цолтой бөхчүүд барилдана. Бөхийн тоо хягааргүй. /2 давсан 200 бөх болон чансааны оноогоор оролцоно/.
Харин улс, аймаг, цэрэг, сумын алдар цолтой хүчит 256 бөхийн уламжлалт барилдааны 1-2-ын даваа хоёрдугаар сарын 27-ны пүрэв гарагт 13:00 цагт эхэлж, 3-8-ын даваа хоёрдугаар сарын 28-ны баасан гарагт 13:00 цагаас үргэлжилнэ.

Энэхүү бидний нэрлэж заншсанаар “битүүний өдрийн барилдаан” буюу хоёрдугаар сарын 26, 27, 28-ны өдөр болох гурван цуврал барилдааныг үзэгчид нэг багц тасалбараар үзэх аж.

Гурван өдрийн багц тасалбар нь:

• 4-5-р эгнээ - 80,000 төгрөг
• 6, 7, 8, 9, 10-р эгнээ - 60,000 төгрөг
• 11-р эгнээ + 40,000 төгрөгийн үнэтэй байна.