Халдварт өвчин судлалын үндэсний төвөөс цаг үеийн асуудлаар мэдээлэл хийлээ. Энэ үеэр ХӨСҮТ-ийн дэд захирал Ц.Чинбаяр "Менингококкт халдвар нь нууц үеийн хугацаа нь 5-7 хоногийн дараа эмнэлзүйн шинж тэмдэг илэрдэг. Энэ халдвар нь үндсэн хүнд хоёр хэлбэрээр явагддаг. Хүндээр өвдөж буй хүмүүст цаг алдалгүй эмнэлгийн тусламж үзүүлэх шаардлагатай. Хүнд үед менингит хэлбэр байгаа. Энэ нь хүүхэд гэнэт өндөр халуурах, огиулж бөөлжих, толгой хүчтэй өвдсөн үед эмчид яаралтай хандах. Үжил хэлбэрт цаг алдалгүй эмнэлгийн тусламж үзүүлж байж хүүхдийн амь насыг авардаг. Гэнэт өндөр халуурч, хүүхэд биеэр тууралт гарч болно. Халуурснаас хойш 6-12 цагийн хооронд хөл, мөчид захын хэсэгт тууралт гардаг. Халуурахаар халуун нь буурахад гэртээ хараад байдаг. Гэнэт цочмог өндөр халуурсан үед эмчид хандах ёстой. Ханиад томуугаар халуурсан үед мэнчийж халуурдаг. Хүнд үед цонхийж цайж халуурна. Цагаан халууралт болно.
