Хилэнт эх хэмээх модон Луу жил улиран одож, “Элдэв эрдэнэт” хэмээх модон Могой жил гарах гэж байна.

Жил нь гарч байгаа буюу луу жилтэй хүмүүс ямар засал ном хийлгэж, юуг анхаарвал зохистой талаар Гандантэгчинлэн хийдийн зурхайч лам Д.Амгалангаас тодруулахад, “Луу жилийн өвлийн сүүл сар гарч байна. Үүнтэй холбоотойгоор жил нь ороод гарч байгаа хүмүүс ямар засал ном хийлгэх вэ гэж хандах нь их байна. Жил нь орж байгаа болон гарч байгаа хүмүүс жилээ үдэж болон угтаж засал ном уншуулдаг. Хэрэв ажил үйлс нь бүтэхгүй гэх мэтчилэн шалтаг шалтгаан их гарч байвал заавал ном засал уншуулах нь зөв. Өөрт хамгийн ойр байрлах гандан хийд, засал номын газарт хандаж, өөрт тохирох номоо уншуулбал зүгээр. Нийтлэг ойлголтоор бол жил нь гарч байгаа хүн гурван гүрэм, Манал, Сандуйн жүд гэсэн номнуудыг уншуулбал зүгээр байдаг” гэлээ.