Сангийн сайд Б.Жавхлан өнөөдөр УИХ-ын хаврын чуулганд Татварын багц шинэчлэлийн хуулийн төслийг өргөн барина гэдгийг мэдээлэв. Энэ хуулийн төсөлтэй холбоотой олон нийтийн санал асуулга, хэлэлцүүлгийг нэгдүгээр сараас эхлэн гуравдугаар сар хүртэл татварын төлөгч нарын дунд явуулахыг онцоллоо. Мөн энэ үеэр хуулийн төслийн хүрээнд татварын хувь хэмжээг нэмэгдүүлэх эсэх талаар сэтгүүлчийн асуултад "Татварын багц өөрчлөлтөөр нэг ч хувь хэмжээ нэмэхгүй. Аль болох эдийн засгийн өсөлт боломжуудад суурилсан төсвийн орлого тал дээр татварын суурийг тэлэх зарчим баримтална. Татварыг ойлгомжтой, татвараар дамжуулан иргэд аж ахуйн нэгжүүдэд илүү ойлгомжтой байх чиглэлд бэлдэж байна. Хэлэлцүүлгүүд дээр нарийвчлан энэ асуудлаар ярьж тодорхой гаргана" гэж хариуллаа.