УИХ-ын Аюулгүй байдал, гадаад бодлогын байнгын хорооны хуралдаанаар Монгол Улсын Ерөнхийлөгчөөс 2024 оны 12 дугаар сарын 26-ны өдөр өргөн мэдүүлсэн Элчин сайдыг томилох асуудлаар зөвшилцөх тухай асуудлыг хэлэлцлээ.

Энэ үеэр УИХ-ын гишүүн Д.Ганбат "Ард түмний итгэлийг авч УИХ-ын гишүүнээр ажиллаж байсан туршлагатай хүнийг элчин сайдаар томилж байгаа нь зөв. Монгол Улсын нэр хүндийг хамгаалж, тухайн нутагт амьдарч байгаа иргэдийн асуудлыг шийдвэрлэх чухал ажлыг хийх хүнийг "наймаалцах" байдлаар томилоод байж болохгүй" гэх байр суурийг илэрхийллээ.