Сүүлийн өдрүүдэд “Эрдэнэс Тавантолгой" ХК-ийн 1072 хувьцааны ногдол ашгийг иргэдэд олгож эхэлсэн тухай мэдээлэл цацагдах болов. Хувьцааны ногдол ашгийг өнгөрсөн оны арванхоёрдугаар сард олгосон бөгөөд нэг болон хоёрдугаар сард олгох тухай мэдээлэл сошиалд хөвөрч байна. Энэ мэдээлэл нь ташаа болохыг “Эрдэнэс Тавантолгой” ХК-иас мэдээлэв. Тус компаниас тодруулахад “Одоогоор хэзээ олгох нь тодорхойгүй байна” гэсэн юм.

2024 онд “Эрдэнэс Тавантолгой” ХК 4.3 их наяд төгрөгийн цэвэр ашигтай ажиллаж Монгол Улсын 3.4 сая иргэнд 1072 хувьцааны ногдол ашиг хуваарилсан билээ. Мөн биржийн арилжаагаар 15.3 сая тонн нүүрс борлуулж 1.57 тэрбум ам.долларын орлого олж, улс болон орон нутгийн төсөвт 3.4 их наяд төгрөгийн татвар хураамж төвлөрүүлсэн байна.