Тавантолгой түлш ХХК-ийн менежментийг сайжруулах, үйлдвэрлэлийн технологи, түлшний чанарын асуудлыг судлах, арга хэмжээ авах ажлын хэрэгжилтийн хүрээнд Ерөнхий сайд, сайдууд өнөөдөр 11:30 цагт Тавантолгой түлш ХХК-ийн зүүн бүсийн үйлдвэрт ажиллах юм байна.

Сануулахад, ЗГ-ийн арванхоёрдугаар сарын хуралдаанаар Агаарын бохирдлыг бууруулах Үндэсний хороог сэргээн байгуулсан бөгөөд уг хороо сайжруулсан шахмал түлшний технологи, чанарын асуудлыг судалж, холбогдох газруудтай хамтарч бодлогын түвшинд ажиллах юм. Түүнчлэн түлшний дээжийг шинжлүүлэхээр БНХАУ, БНСУ, Япон улсын лаборатори руу хүргүүлсэн ч одоогоор хариу нь гараагүй байгаа аж.