ЦУОШГ-аас цаг агаарын сэрэмжлүүлэг мэдээллийг хүргэлээ. Тодруулбал, нэгдүгээр сарын 9 буюу Пүрэв гарагт нутгийн баруун хагаст цас орж, цасан шуурга шуурна. Мөн энэ сарын 10-нд нутгийн төв хэсгээр, 11-нд нутгийн зүүн хагаст цас орж, цасан шуурга шуурах төлөвтэй байна. Иймд шаардлагагүй тохиолдолд хөдөө орон нутгийн замд зорчихгүй байх, зайлшгүй зорчих тохиолдолд иргэдийг хувийн болон техникийн бүрэн бүтэн байдлаа хангаж хөдөлгөөнд оролцохыг уриаллаа.