БНСУ-ын Соннам хотын Бундан дүүрэгт 8 давхар барилгад томоохон хэмжээний гал гарчээ. 1 давхрын хоолны газраас гал гарсан бөгөөд гал унтраах баг шуурхай арга хэмжээ авснаар хүний амь эрсдэлгүй галын тархалтыг зогсоосон байна.
Гал гарсан барилга дотор олон хүн байсан учраас яаралтай 2-р түвшний арга хэмжээг авч ойр орчмын 8-14 гал сөнөөх ангийн 84 техник хэрэгсэл 268 гал сөнөөгчид ажиллажээ.
Албан бус эх сурвалжийн мэдээллээр, барилга дотроос 70 хүн өөрсдөө гарч чадсан бөгөөд дотор нь байсан 240 хүнийг гал сөнөөгчид гарган авсан аж.
Галын улмаас хүн бэртэж гэмтээгүй ч 22 хүн хоолой өвдөж, амьсгал давчидсан гэж шинж тэмдэгтэйгээр эмнэлэгт хүргэгдсэн байна.
