МҮХАҮТ-ын Ээлжит бус XXII Их хурал үргэлжилж байна. Тус хуралдаанаар танхимын шинэ Ерөнхийлөгчийг сонгох нөхөн сонгууль явагдаж буй. Эхний санал хураалтаар "Транспаренси интернешнл Монгол" ТББ-ын тэргүүн Л.Төр-Од 37.3 хувь, "Таванбогд групп"-ийн ерөнхийлөгч Ц.Баатарсайхан 27 хувийн санал авсан байдаг. Улмаар 50+1 зарчмаар тухайн хоёр нэр дэвшигч дээр дахин санал хураалт явуулж, Л.Төр-Од 276 хүний санал авч, ялалт байгуулжээ.

Ингэснээр "Транспаренси интернешнл Монгол" ТББ-ын тэргүүн Л.Төр-Од МҮХАҮТ-ын шинэ Ерөнхийлөгчөөр сонгогдож байна.

Л.Төр-Од нь эдийн засагч, эрх зүйч мэргэжилтэй. Тэрбээр Транспарэнси интернэшнл – Монгол ТББ-ын тэргүүнээс гадна Монголын үндэсний худалдаа, аж үйлдвэрийн танхимд Ахлах зөвлөхөөр ажилладаг нэгэн юм. Түүний хувьд 2011 онд Монгол Улсын Ерөнхий сайдын зөвлөх, 2012-2013 онуудад Монгол Улсын Ерөнхийлөгчийн хууль зүйн асуудал хариуцсан шадар туслах, Хууль зүйн сайдын зөвлөхөөр ажиллаж байжээ.

Тэрбээр хувийн хэвшилд дараах байдлаар ажилласан нэгэн аж.

2023 оны 7 дугаар сараас: Монгол даатгал ХК

• Гүйцэтгэх захирал
• Үйл ажиллагаа хариуцсан захирал
• Зөвлөх

2022-2023 он: М Банк, Ашид капитал ББСБ

• ТУЗ-ын Нарийн бичгийн дарга
• Хууль зүй, комплайнсийн захирал
• Зөвлөх

2019 оноос: Монголын Үндэсний Худалдаа Аж Үйлдвэрийн Танхим

• Ахлах зөвлөх
• Ерөнхий нарийн бичгийн даргын үүрэг гүйцэтгэгч

2012-2022 он: Аръяамед эмнэлэг ХХК

• Үүсгэн байгуулагч, Ерөнхий захирал

2010 – 2012 он: Монголын банкны холбоо

• Гүйцэтгэх захирал бөгөөд Ерөнхий нарийн бичгийн дарга
• Бодлого хөтөлбөр хариуцсан зөвлөх

2009-2012 он: Монголын эдийн засгийн форум

• Ерөнхий захирал
• Санхүүжилт хариуцсан зохицуулагч

2005-2011 он: ХасБанк

• Гүйцэтгэх дэд захирал
• ТУЗ-ийн Нарийн бичгийн дарга
• Хууль зүй, хянан нийцүүлэх газрын захирал
• Тамгын газрын захирал
• Банкны зөвлөх бөгөөд Лондон дахь төлөөлөгч

1998-2005 он: СИДАН ХЗХ

• Үүсгэн байгуулагч
• ТУЗ-ын гишүүнээр ажиллажээ.