УИХ-ын чуулганы хуралдаан үргэлжилж байна. Хуралдааны эхэнд УИХ-ын дарга Д.Амарбаясгалан байнгын хороодын бүрэлдэхүүнд өөрчлөлт орсон талаар мэдэгдлээ. Тодруулбал,

УИХ-ын гишүүн П.Сайнзоригийг Аюулгүй байдал, гадаад бодлогын байнгын хорооноос, УИХ-ын гишүүн Л.Соронзонболдыг Инновац, цахим бодлогын байнгын хорооноос, УИХ-ын гишүүн Н.Алтаншагайг Эдийн засгийн байнгын хорооноос Б.Бат-Эрдэнийг Хууль зүйн байнгын хорооны бүрэлдэхүүнээс тус тус чөлөөлөв.

Харин УИХ-ын гишүүн Б.Бат-Эрдэнийг Байгаль орчин, хүнс, хөдөө аж ахуйн байнгын хорооны, С.Замираг Аж үйлдвэржилтийн бодлогын байнгын хорооны, УИХ-ын гишүүн Н.Алтаншагайг Боловсрол, соёл, шинжлэх ухаан, спортын байнгын хорооны, УИХ-ын гишүүн П.Сайнзоригийг Эдийн засгийн байнгын хорооны гишүүнээр томиллоо.