Цагийн ажил буюу даалгавар биелүүлэх ажил хийж, мөнгө өсгөж өгнө гэх зарын дагуу мөнгө байршуулж залилуулсан гэх гомдол нэмэгджээ. Сүүлийн 4 сарын хугацаанд 619 гэмт хэрэг бүртгэгдэж шалгагдснаас 10 гаруй тэрбум төгрөгийн хохриол учирчээ. Тодруулбал онлайн цагийн ажил хийлгэж мөнгө өсгөж өгнө гэх зарын дагуу холбогдож, 12 сая төгрөг, цахимаар цагийн ажил хийх зорилгоор 13 удаагийн гүйлгээ хийж 22 сая төгрөг, телеграм хаягаар даалгавар биелүүлж өгнө гэх зарын дагуу холбогдож, 7 удаагийн гүйлгээгээр 22,3 сая төгрөгийг шилжүүлж хохирсон байна. Иймд цахим орчинд хяналттай байхыг цагдаагийн байгууллагаас анхаарууллаа.