"Эрүүдэн шүүлт тулгах, хүнлэг бус, хэрцгий хандахаас ангид байх хүний эрхийн хэрэгжилт” сэдэвт УИХ-ын хяналтын сонсгол болж байна. Иргэн Т.Хүрэлбат:

-Миний дүү Т.Чимгээ С.Зориг агсны хэрэгт холбогдоод таван жил 9 сарын ял эдэлсэн. Би өнөөдөр дүүгийнхээ өмнөөс ярина. Учир нь миний дүү ярьж хэлэх гэж байгаагаа мартдаг, унадаг татдаг болсон.

2015 оны Тагнуулын байгууллагын зохион байгуулалтаар прокурорын зөвшөөрлөөр шүүхийн шийдвэрийн гүйцэтгэлийн ажилтнуудын оролцоотойгоор яргалалт, тамлалтыг даваад гарсан. Гэхдээ одоо ч эрүүдэн шүүлт нь үргэлжилж байна. УИХ-ын гишүүнээр түүчээлж байна. Сая аравдугаар сарын 2-нд С.Зориг агсны хөшөөн дээр УИХ-ын гишүүн Ч.Лодойсамбуу "Энэ хэрэг илэрсэн" гэж ярьсан. Монгол Улсын дээд шүүх, прокуророос энэ хэргийг хэрэгсэхгүй болгосон. Гэтэл УИХ-ын гишүүн нь өнөөдөр ард түмэнд ийм мэдээлэл өгөөд байж байна. УИХ-ын гишүүн болчхоороо дураараа хэн нэгний нэр төрийг гутааж болдог юм уу. Сахилгын хороо нь уг гишүүнд арга хэмжээ авч өгөөч ээ.