УИХ-ын Нийгмийн бодлогын байнгын хороогоор 2025 оны төсвийн төслийн хоёр дахь хэлэлцүүлгийг хийв. Энэ үеэр сайд нар гишүүдийн асуултад хариулт өглөө.
Төрийн албан хаагчдын цалингийн нэмэгдэлтэй холбогдуулан УИХ-ын гишүүн С.Эрдэнэбатын асуултад Гэр бүл, хөдөлмөр, нийгмийн хамгааллын сайд Л.Энх-Амгалан "225 мянган төрийн албан хаагчийн 93 хувь нь гүйцэтгэлийн урамшуулал авч байна. Энэ бол ХАВТГАЙРСАН гэсэн үг. Тиймээс бид бүгдээрээ цалин хөлсийг нэмье гэсэн бодолтой байгаа. Цалин нэмэхгүй гэсэн нэг ч УИХ-ын гишүүн байхгүй болов уу" гэх хариулт өгсөн юм.
