Яг одоо онцгой байдлын албан хаагчид гал түймрийг унтраахаар ажиллаж байна. Тодруулбал, дөнгөж саяхан цахим орчинд Баянбүрд орчимд том хэмжээний гал түймэр гарч буй мэдээлэл, зураг нийтлэгдсэн юм. Энэ талаар Нийслэлийн онцгой байдлын газраас тодруулахад Сүхбаатар дүүргийн нутаг 10 дугаар хороонд гал түймэр гарсан байна. Тус газрын өгсөн мэдээллээр, 16:02 цагт гараашийн дээвэр шатаж байна гэх дуудлага бүртгэгджээ. Энэ дагуу Чингэлтэй дүүргийн Гал түймэр унтраах, аврах 10 дугаар ангийн алба хаагчид ажиллаж, галын тархалтыг зогсоон бүрэн унтргаахаар ажиллаж байгаа юм.