Олимп, паралимп, тив дэлхийн тэмцээнд өндөр амжилт үзүүлсэн тамирчид, дасгалжуулагчдад Ерөнхийлөгчийн зарлигаар Төрийн дээд шагнал, одон, медаль гардуулсан.

"Парис-2024" паралимпын наадмын таеквондогийн төрөлд алтан медаль хүртсэн Уламбаярын Сүрэнжавд Монгол Улсын Хөдөлмөрийн баатар цол хүртээсэн юм. Тэрбээр "Цаашид илүү хичээж, хөдөлмөрлөх болно. Алтан медаль зүүх мэдрэмж үгээр хэлэхийн аргагүй гайхамшигтай байсан" гэж сэтгэгдлээ илэрхийллээ.