Нийслэлийн авто замын засвар, шинэчлэлтийн ажил үргэлжилж байна. Энэ хүрээнд Офицерын тойргоос Чулуун овооны тойрог хүртэлх авто замыг маргааш 23:00 цагаас ирэх Даваа гарагийн 06:00 цаг хүртэл хааж /2024.09.13-16/ шинэчлэх юм байна. Энэ хугацаанд инженерийн шугам сүлжээний худгийн тагийг асфальт бетон хучилтын түвшинд тааруулах, хашлага солих зэрэг ажлыг гүйцэтгэнэ. Иймд иргэд, жолооч та бүхэн бусад замыг сонгон хөдөлгөөнд оролцоно уу.
